Atl. Estación 3 - Libertad SC 0

Decepcionante resultado o colleitado polo Libertad no seu 1º encontro desputado no campo da Xunqueira este ano (hai 5 equipos que xogan alí), que a pesar de todo é bastante enganoso xa que o Estación só chegou 4 ou 5 veces con claridade, pero ben por erros ou despistes no marcaxe, transformaron case tódalas súas ocasións, estropeando o debut de Andro coa camisola aurinegra, que non puido facer máis nos goles.
Sairon de inicio: Andro na porta; Lemos lateral dereito, Pedro lateral esquerdo, e Cristof e Ministro como centrais; Victor e Juan M. na medular, con Migui en banda dereita e Tafá pola esquerda; Beiro e o retornado Jorge en punta. Tamén Xogaron: Iván L., Makaay, Fernando, Yerai e Charlie.
O encontro comezou moi disputado, con internadas de Jorge, Tafá e Beiro que non conseguían conectar o último pase. Despois dunha gran ocasión do Libertad, na seguinte un mal despexe acaba co balón nos pes do dianteiro pontevedrés dentro da área que fusila ó debutante Andro. O Libertad intenta repoñerse e xusto cando volve a coller o peso do partido outra contra "de pro" convértese en asistencia e gol a placer. O Libertad seguiuno intentando, cun Jorge moi loitador, igual ca Tafá, Beiro participativo e un inconmensurable Juan na media...pero o gol non chegou, e así, 2-0 chegouse ó descanso.
Na reanudación o Libertad mostrouse máis seguro atrás, xogando a maior parte do tempo no campo contrario, mentres o rival buscaba saídas rápidas que ben lle funcionaran na 1ª metade. Por máis que se intentaba o Estación cerrábase ben atrás e o gol non daba chegado, ata que pasado o medio tempo chegaría a sentencia nunha nova contra que colleu a defensa descolocada.
Dende ahí ata o final, aínda que se seguiu intentando xa non foi co mesmo ímpetu, xogaron todos os suplentes, incluido Charlie que acaba de sair dunha lesión, e non houbo que lamentar ningún incidente. Arbitraxe caseiro como é típico, pero é normal xa que o rapaz debía ter uns 16 anos, como pra compricarse coa chea de tolos que hai nesta categoría.
Hay que levantarse deste golpe, entrenar máis duro pra acadar ó nivel físico dos rivais da zona alta e demostrar que hai moito marxe de mellora.

Próximo partido na casa contra o Barro, rival duro.

A por todas rapaces, que aínda están os cochinillos en xogo!!!

Hay un equipo que vale un collón!
LIBERTAD