Achégase o esperado derbi contra o Dorrón

Así é señores, a vindeira semana visítanos o Dorrón, un dos equipos ó que máis coñecemos posto que varios dos nosos xogadores coincidiron con varios dos seus integrantes nas categorías inferiores do Portonovo ou do Sanxenxo; contando incluso cun ex-aurinegro, Javier "Chupón" Cons, que se afincou como ariete titular indiscutible do noso rival. O Dorrón foi catalogado como serio candidato ó ascenso nos últimos anos, aínda que acabou quedándose como "eterno aspirante", e nesta tempada as cousas non lle están saíndo demasiado ben(xa están por debaixo nosa), pero isto é un derbi e sempre son partidos especiais.
O noso equipo acabou en Romai cunha racha de 3 victorias seguidas e 5 partidos sen perder, pero quedou a sensación de que era un partido que se podía gañar. Namentres no Dorrón seguen de capa caída tras perder co Bamio 2-3, e ademáis hai rumores de que xa non hai tan bo ambiente nesa "panda de amigos" xa que se filtraron algunha imaxe escandalosa (aterradora diría eu) na súa web que nunca debeu saír do vestiario (xuzguen vostedes mesmo e comenten).
Así que xa sabedes, esperamos que o Frente Aurinegro esté ó completo e que TODO O MUNDO apareza en Baltar de Arriba disposto a arroupar ó máximo ó nosos xogadores.
Hai un equipo que vale un collón!!! LIBERTAD!!!