Libertad SC 1 Figueirido FC 4

Bo partido o presenciado no municipal da Lanzada nunha tarde soleada pero xélida, no que o resultado final non fai de todo xustiza ó visto no campo, pero de novo o mal endémico do Libertad, a súa falta de pegada, unido a unha fraxilidade defensiva que empeza a preocupar, axudaron a acabar coas ilusións aurinegras cando mellor estaba xogando.
Xogaron de inicio: Velay na porta; Lemos lateral dereito e Makaay esquerdo, con Rodri e Pedro centrais; Victor e Suso mediocentros, Maza por diante, Fer esquerda e Beiro dereita; Migui en punta. Na 2ª metade tamén xogaron: Yerai, Fernandito, Tafá, Pablo e Chuli.
O encontro non comezou nada ben pro Libertaad, que antes asentarse no campo xa habían encaixado o -1 nos 1ºs minutos. Antes da media hora chegaría o 2º gol visitante nun balón aéreo que Velay non pode atallar porque o dianteiro roxiblanco vai ó choque concha él sen que o árbitro sinale falta. A pesar deste revés o equipo estaba cada vez mellor colocado no campo, xogando o balón con bastante fluidez, aínda que pouca mordente arriba (evidentemente se notou a falta de Jorge, ó que lle damos a enoraboa polo punto que lle conseguiu o outro día ó Portonovo e pola media hora xogada onte), e resolvendo, aínda que con algunha dificultade, os balóns por alto que o vento envenenaba. Por sorte o arbitro non estimou coma válido un gol fantasma que sería o 0-3 e seguramente o fin do encontro.
No comezo da 2ª metade o Libertad segue mellorando, xa co vento á favor, pasando a dominar no 1º cuarto de hora e tras un par de boas ocasións chegaría o 1-2, obra de Rodri tras incorporarse ó ataque nunha bonita combinación con Suso. Co partido de cada, o Figueirido replegado, e no mellor momento local, un despiste defensivo acaba con Lemos entregándolle ó balón ó dianteiro que só ten que empuxala ante un impotente Velay. A pesar deste revés seguiuse intentando a sorpresa, o encontro entrou nunha fase de toma e daca na que o gol podría chegar de calquer bando, e coma case sempre nestes casos... un despiste, un balón que se deixa botar 3 veces, e un balón dividido que o dianteiro visitante consegue transformar no 1-4 chegando coa punteira antes que porteiro e defensa.
O peor do encontro a lesión de Pedro xa case ó final, que ten un esguince de rodilla e deberá gardar repouso un tempo.

En resumen un bo partido do Libertad que non merecía tanto castigo. Vaise recuperando a xente tocada e xunto coas novas incorporacións xuntamos 16 na convocatoria, cousa que estivo difícil nos últimos partidos.

Este sábado cena de Nadal... así que non fagades plans. Pronto máis información.